pregnant monkey drinks alcohol at liquor shop in Ranchi : माकडाने दारू प्यायलेली तुम्ही कधी पाहिलं अथवा ऐकलं आहे का? नाही ना. पण रांचीतील प्रकार पाहून कदाचित तुमचा विश्वास बसणार नाही. झारखंडची राजधानी रांचीजवळील ओरमांझी भागात एक अजब आणि मजेशीर प्रकार घडला. एका गर्भवती माकडीणीने थेट दारूच्या दुकानातच एंट्री मारली आणि तिथे ठेवलेली दारू पिऊन मस्त ताणून दिली. याचा व्हिडीओ सध्या सोशल मीडियावर व्हायरल होत आहे.

नक्की काय घडलं?

दुकानात अचानक आलेल्या माकडीणीला पाहून तिथे असलेले कर्मचारी आणि ग्राहक आधी थोडे घाबरले. दुकानातील कर्मचाऱ्याने तिला हुसकावून लावण्याचा प्रयत्न केला, पण तिने त्याला हलकासा चावा घेतला, ज्यामुळे तो मागे हटला. त्यानंतर तिने दुकानात ठेवलेली दारूची बॉटल उचलली आणि काही घोट दारू प्राशन केली.

मस्तपैकी घेतली झोप

दारू प्यायल्यानंतर लगेचच तिला चांगलीच नशा चढली. कोणतीही गडबड किंवा गोंधळ न घालता ती दुकानदाराच्या खोक्यांवर अत्यंत शांतपणे ताणून देऊन झोपून गेली. एका व्यक्तीने हा व्हिडीओ काढून सोशल मीडियावर पोस्ट केला आहे. हा व्हिडीओ वाऱ्यासारखा व्हायरल झाला असून या कमेंट्स अन् लाईक्सचा पाऊस पडत आहे.

पुढे काय झाले?

व्हिडीओ काढणारी व्यक्ती जवळ आल्यावर ती क्षणभर डोळे उघडते आणि लगेचच पुन्हा मिटवून घेत असल्याचे दिसतेय.दारूच्या नशेत असलेल्या माकडीणीला पाहण्यासाठी दुकानाबाहेर लोकांची मोठी गर्दी जमली होती. दुकानात दारू पिऊन झोपलेल्या या माकडाचा व्हिडिओ सोशल मीडियावर प्रचंड व्हायरल झालाय. घटनेची माहिती मिळताच प्राणी बचाव पथक (Rescue Team) घटनास्थळी दाखल झाले आणि त्यांनी माकडीणीला कोणतीही दुखापत न पोहोचवता तिथून सुरक्षितपणे बाहेर काढले.