स्मार्ट फोन बंद होणार...तुमच्या खिशातून स्मार्टफोन गायब होणार? असा दावा केला जातोय...कारण, मेटाचे सीईओ मार्क झुकरबर्ग यांनी दावा केलाय की आता नव्या तंत्रज्ञानामुळे तुमच्या खिशातून फोन गायब होणार...मात्र, खरंच हे शक्य आहे का...? जगभरात कोट्यवधी लोक स्मार्ट फोन वापरतात...फोन शिवाय कुणीही घरातून बाहेर पडत नाही...त्यामुळे याची सत्यता जाणून घेणं गरजेचं आहे...त्याआधी मेसेजमध्ये काय दावा केलाय पाहुयात...

व्हायरल मेसेजमध्ये म्हटलं आहे की, 'स्मार्टफोन हा वर्षानुवर्षे आपल्या आयुष्याचा महत्त्वाचा भाग आहे. मात्र, आता त्याचा प्रभाव कमी होताना दिसतोय. फोन सतत हातात ठेवण्याची सक्ती यामुळे लोकांना त्रास होतो. भविष्यात डिजिटल कंटेंट पाहण्यासाठी खिशातून फोन काढण्याची गरज भासणार नाही'.

हा मेसेज आणि झुकरबर्ग यांनी केलेला दावा यामुळे लोकांना आश्चर्य वाटू लागलंय...मात्र, नवीन तंत्रज्ञान हे कसं असणार आहे...? स्मार्ट फोन बंद झाला तर आपल्याला नवीन तंत्रज्ञान परवडेल का...? असे अनेक प्रश्न उपस्थित होतायत...त्यामुळे आमच्या टीमने याची पडताळणी सुरू केली...झुकरबर्ग यांनी काय दावा केला होता...? हे तपासून पाहिलं... त्यावेळी त्यांची संकल्पना नक्की काय आहे ते पाहुयात...

व्हायरल सत्य काय?

मेटाची AR वेअरेबलमध्ये अब्जावधी डॉलर्सची गुंतवणूक

मेटा मुख्य प्रवाहात स्मार्ट चष्मा आणण्यावर भर देतंय

येत्या 10 वर्षांत स्मार्टफोन कमी होतील असा

झुकरबर्ग यांना विश्वास

त्याऐवजी हलके स्मार्ट चष्मे लोक वापरतील

फोन न काढता मेसेज पाठवणे, कॉल करणे शक्य होईल

असं असलं तरी स्मार्टफोन एका रात्रीत गायब होणार नाहीत....या बदलाला वेळ लागेल...तरीदेखील लोक स्मार्टफोन वापरण्यास प्राधान्य देतील...मात्र, त्याचा वापर कमी होऊ शकतो...त्यामुळे आमच्या पडताळणीत स्मार्ट फोन बंद होणार असल्याचा दावा असत्य ठरला.