...हा व्हिडिओ पाहिलात...सायकल बघा, कशी रस्त्यावर धावतेय...भुतिया सायकल असल्याचा दावा करण्यात आलाय...चालकाशिवाय ही सायकल रस्त्यावर धावतेय...अशी कशी काय ही सायकल रस्त्यावर धावतेय असे प्रश्न विचारले जातायत...हा व्हिडिओ आता प्रचंड व्हायरल होत असल्याने आम्ही याची पडताळणी सुरू केली...

या व्हिडिओची पडताळणी करण्यासाठी व्हिडिओ नीट पाहिला...हा व्हिडिओ नक्की कुठला आहे त्याची माहिती मिळवली...आणि खरंच रस्त्यावर भुतिया सायकल कुठून आली...? ही सायकल कशी काय चालते...? याची आम्ही पडताळणी केली...त्यावेळी काय सत्य समोर आलं पाहुयात...

सूरतमधील बी.टेकच्या विद्यार्थ्यांनी एआय-आधारित 'अदृश्य सायकल' तयार केली

चालकाशिवाय सायकल रस्त्यावर धावते

3 महिन्यांत पूर्ण झालेल्या प्रकल्पासाठी अंदाजे 35 हजार रुपये खर्च आला

सायकल अॅप, रिमोट आणि ऑटोमॅटिक मोडद्वारे नियंत्रित केली जाते

सायकलचे पेडल्स आणि मागचे चाक अशा प्रकारे जोडलेले आहेत की, जेव्हा मोटर पुढचे चाक फिरवते, तेव्हा मागचे चाकही फिरते आणि पेडल्स आपोआप फिरू लागतात. यामुळे असा भास निर्माण होतो की, एखादी अदृश्य व्यक्ती सायकल चालवत आहे. यामुळेच, पहिल्यांदा पाहिल्यावर लोकांना वाटते की सायकल स्वतःहून पॅडल मारत आहे, पण प्रत्यक्षात ती पूर्णपणे मोटर्स आणि तंत्रज्ञानाद्वारे चालते. या सायकलमध्ये बॅटरी, कंट्रोलर, रास्पबेरी पाय आणि संपूर्ण प्रणाली नियंत्रित करणारी इतर लहान उपकरणे बसवलेली आहेत...ती एका जुन्या सायकलचा वापर करून तयार करण्यात आलीय...ही सायकल मोटर आणि लिनियर एक्चुएटरद्वारे चालते...त्यामुळे आमच्या पडताळणीत भुतिया सायकल असल्याचा दावा असत्य ठरलाय...