हा फोटो आता व्हायरल करून शिंदेंनी सोनिया गांधींची भेट घेतल्याचा दावा करण्यात आलाय...महाराष्ट्रातील राजकारणात पुन्हा भूकंप होणार असा दावा करून शिंदे काँग्रेससोबत आघाडी करणार असल्याचा मेसेज व्हायरल होतोय...पण, खरंच शिंदेंनी सोनिया गांधींची भेट घेतलीय का...? हा फोटो कधीचा आहे...? शिंदेंनी एवढ्या मोठ्या काँग्रेसच्या नेत्याची भेट घेतली मग साधी बातमीही का झाली नाही...? असे अनेक प्रश्न उपस्थित होतायत...

शिंदेंनी स्थानिक स्वराज्य संस्थांच्या निवडणुकांमध्ये अधिकृतपणे काँग्रेसशी हातमिळवणी केली. नगरपरिषदा आणि नगरपंचायतींमध्ये आघाडीची चाचणी घेतली जातेय. त्याचदरम्यान शिंदेंनी सोनिया गांधींची भेट घेतली.

हा मेसेज आणि फोटोही व्हायरल होतोय...त्यामुळे आम्ही याची माहिती मिळवण्यासाठी पडताळणी सुरू केली...मात्र, शिंदेंनी सोनिया गांधींची भेट घेतल्याचं कुठेही आढळून आलेलं नाही...मग हा फोटो कधीचा आहे याची आम्ही नीट तपासणी केली...कारण, या फोटोत शिंदेंनी शर्ट फोल्ड केल्याचं दिसतंय...तर फोटोच्या साईजप्रमाणे हातही बारीक दिसतोय...त्यामुळे आमच्या पडताळणीत काय सत्य समोर आलं पाहुयात...

एकनाथ शिंदेंनी सोनिया गांधींची भेट घेतलेली नाही

व्हायरल होत असलेला फोटो एआय निर्मित

स्थानिक पातळीवर फक्त उमरग्यात काँग्रेससोबत युती

शिंदेंच्या हातावरूनच फोटो बनवण्यात आल्याचं कळतं

जरी भाजप आणि शिंदेसेनेत खटके उडत असले तरी शिंदे हे महायुतीसोबतच आहेत...उपमुख्यमंत्रीपदासह मोठी जबाबदारी त्यांच्यावर आहे...शिंदेंनी सोनिया गांधींची भेट घेतलेली नाही...त्यामुळे आमच्या पडताळणीत शिंदेंनी सोनिया गांधींची भेट घेतल्याचा दावा असत्य ठरलाय...