Bus Conductor Viral News: सोशल मीडियावर बऱ्याचदा वेगवेगळ्या प्रकारच्या घटना चर्चेचा विषय ठरतात. त्यातच एका व्हिडिओमुळे आता मुंबईच्या बेस्ट बस सेवेतील एका कंडक्टरवर सर्व नागरिकांचे लक्ष वेधले गेले आहे. या व्हायरल व्हिडिओमध्ये दिसत आहे की, बेस्टच्या कंडक्टरने एका प्रवाशाच्या कानाशिलात मारली. सध्या हा व्हिडिओ सोशल मीडियावर प्रचंड व्हायरल झाला असून, त्यावर विविध प्रतिक्रिया उमटत आहेत.

व्हिडीओत नेमकं काय?

व्हायरल (Viral) होत असलेल्या व्हिडिओमध्ये तुम्हाला बसमधून अनेक प्रवाशी प्रवास करताना दिसत आहे. तेवढ्यात बसमधील कंडक्टर आणि एका प्रवाशामध्ये वाद सुरु होतो. बसमधील प्रवासी काहीतरी बोलत असतो. मात्र, अचानक कंडक्टर प्रवाशाच्या कानशिलात लगावतो. त्यानंतर बसमधील अन्य प्रवाशीही आश्चर्यचकित होतात. ही घटना नेमकी कशामुळे घडली, यासर्वांबाबत वेगवेगळे तर्क लावले जात आहेत.

लोकांच्या संमिश्र प्रतिक्रिया

बसमधील एका प्रवाशाने हा संपूर्ण प्रकार कॅमेर्‍यात टिपला आहे आणि तो सोशल मीडियावर तात्काळ शेअर केला. पाहता पाहता हा व्हिडीओ इतका व्हायरल झाला की, लोकांनी यावर आपली मते मांडायला सुरुवात केली. त्यातील एका यूजरने कमेंट केली,''खुप छान केले पब्लिक ला पण जास्त झालं आहे आजकाल'' तर दुसऱ्या यूजरने कमेंट केली,''पब्लिक मार खायचा सोपा उपाय'' तिसऱ्या यूजरने कमेंट केली,''आरे त्यांनी कानशिलात लावली तर काही तरी कारण असेल ना''अशा अनेक संमिश्र प्रतिक्रिया आलेल्या आहेत.

हा व्हिडीओ (Video) नेमका कोणत्या मार्गावर किंवा कोणत्या क्रमांच्या बसमधील आहे, याबाबत कोणतीही माहिती सोशल मीडियावर पोस्ट केलेली नाही. मात्र, संपूर्ण घटनेचा व्हिडिओ इन्स्टाग्रामवरील saamtvnews या अकाउंटवर शेअर करण्यात आलेला आहे आणि कॅप्शनमध्ये,''कंडक्टरने थेट प्रवाशाच्या लगावली कानशिला'' घटनेचे कारण लिहिले आहे.

टीप: बसमधील हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.