सागर आव्हाड, साम टीव्ही

Pune Viral Video: पुणे जिल्ह्यातील रायरेश्वर पठारावर शेतकऱ्याच्या जिद्दीने नवा इतिहास घडवला आहे. सुमारे चार हजार सहाशे फूट उंचीवर, डोंगरकड्यांतून दोन टन वजनाचा ट्रॅक्टर उचलून नेण्याची अवघड मोहीम यशस्वी करण्यात आली आहे.

संतोष जंगम या स्थानिक शेतकऱ्याने नव्याने ७०० HP क्षमतेचा ट्रॅक्टर (Tractor) खरेदी केला. मात्र, रायरेश्वर पठारावर जाण्यासाठी कोणताही रस्ता उपलब्ध नसल्यामुळे, हा ट्रॅक्टर रायरेश्वर पठाराच्या पायथ्याशी संपूर्णपणे वेगळा करण्यात आला. नंतर तो वेगवेगळ्या भागांमध्ये उंच कड्यातील लोखंडी शिर्डी वरून चढवत नेण्यात आला.

या मोहीमेत २० ते २५ ग्रामस्थांनी सहभाग घेतला, आणि एकत्रितपणे ट्रॅक्टरचे प्रत्येक भाग डोक्या खांद्यावर घेऊन वर चढवण्यात आला. फक्त ट्रॅक्टरच नव्हे तर ट्रॉलीसुद्धा या जिद्दी माणसांनी वर नेली आणि पठारावर पुन्हा जोडली.

ही घटना (incident) म्हणजे शेतीसाठीची तळमळ आणि प्रयत्नांची पराकाष्ठा दर्शवणारा आदर्श ठरतोय. अत्यंत प्रतिकूल परिस्थितीतही आधुनिक शेतीसाठीचा मार्ग मोकळा करत या शेतकऱ्याने नव्या पिढीला प्रेरणा दिली आहे.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.