Viral Video:

सोशल मीडियावर सापांचे आजवर बरेच व्हिडीओ व्हायरल झालेत. गावात, खेड्यापाड्या आणि बऱ्याचदा माणवी वस्तीत देखील साप आढळतात. साप दिसला की लोकं आपला जीव वाचवण्यासाठी त्याच्यावर हल्ला करतात. अशात सोशल मीडियावर एक विचित्र व्हिडीओ समोर आलाय. या व्हिडीओमध्ये काही व्यक्ती सापापासून बनवलेली वाइन पितायत.

सोशल मीडियावर व्हायर होत असलेल्या व्हिडीओमध्ये तुम्ही पाहू शकता की, वाइन शॉपच्या एका दुकानात विविध चिनीमातीच्या भांड्यांत स्नेक वाइन भरलेली आहे. ही वाइन पिण्यासाठी नागरिकांनी मोठी गर्दी केलीये. व्हिडीओत काही काचेच्या बॉटल्समध्येही साप आणि वाइन दिसतायत.

सापात विष असतं, त्याच्या दंशाने व्यक्ती कायमचा मृत्यू पावतो. मग तरी देखील लोक सापाची दारू कशी काय पितायत असा प्रश्न तुम्हालाही पडला असेल. चायना, जपान आणि व्हिएतनाम या देशांमध्ये ही वाईन प्यायली जाते.

व्हिडीओत दिलेल्या माहितीनुसार, जिवंत साप एका काचेच्या बॉटलमध्ये भरून ठेवला जातो. साप यात ठेवल्यावर त्यात साधी वाइन टाकली जाते. सापाला या वाइनमध्ये ३ ते ४ दिवस बंद ठेवलं जातं. सापाल भूक लागल्यावर तो ही वाइन पितो आणि उलटी करतो. त्याच्या उलटीमुळे सापाच्या शरीरातील सर्व वाईट गोष्टी बाहेर पडतात.

त्यानंतर जिवंत साप पुन्हा बाहेर काढला जातो. त्याला दुसऱ्या एका काचेच्या बॉटलमध्ये वाइन भरून ठेवले जाते. पुढे साप ही वाइन पिउन पिउन त्यातच मृत्यू पावतो. वाइनमध्ये अल्कोहोल असल्याने सापाचं विष देखील संपून जातं. जिवंत साप भरून ठेवलेली वाइन तब्बल ३ ते ४ वर्षे भरून ठेवली जाते. या वाइनमुळे केस गळतीसह अन्य समस्या दूर होतात, असं व्हिडीओत सांगण्यात आलंय.