Bull Theft In Panvel: गेल्या वर्षभरात देशात वारंवार चोरीच्या घटना घडत आहेत.काही चोरीच्या घटना ऐकून प्रत्येकजण हैराण होते.त्यातच सध्या सोशल मीडियावर एका चोरीच्या घटनेचा व्हिडिओ व्हायरल झाला आहे,ज्यात चक्क एका चोराने दोन बैलांची चोरी केलेली आहे.

सोशल मीडियावर तुम्ही बाईक चोरी(Theft)ची घटना पाहिली असेल तर कधी सोनसाखळी चोरीच्या अनेक घटना पाहिल्या आहेत.मात्र सध्या व्हायरल होत असलेल्या दोन बैलाच्या चोरीची घटना अत्यंत वेगळी आहे.सध्या या चोरीच्या घटनेचा सीसीटीव्ही व्हिडिओ चांगलाच सोशल मीडियावर व्हायरल झालेला आहे.

पन्नास हजार रुपयांच्या दोन बैलांची चोरी केल्याप्रकरणी अनोळखी इसमाविरोधात पनवेल तालुका पोलीस ठाण्यात गुन्हा दाखल करण्यात आलाय. अभिदास गायकर यांनी आपले दोन बैल केवाळे गावातील रस्त्याच्या कडेला बांधले होते. पहाटे पाच वाजता बैलगाडी घेऊन जाण्यासाठी गेले असता त्यांना त्यांची दोन्ही बैल बांधलेल्या ठिकाणी आढळून आली नाहीत.

शोध घेतल्यावर देखील बैल न मिळाल्याने ग्रामपंचायतने लावलेले सीसीटीव्ही तपासले असता बैलाच्या जवळ एक अनोळखी इसम वावरताना दिसला. त्यांनेच बैल चोरून नेल्याची खात्री झाल्याने त्याच्या विरोधात पनवेल तालुका पोलीस(Police) ठाण्यात तक्रार केली असता पोलीसांनी गुन्हा दाखल करत तपास सुरु केलाय.

टीप: चोरीच्या घटनेचा हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.