Girl Falls From Railing: सोशल माध्यमांवर सध्या एक धक्कादायक सीसीटीव्ही फुटेज प्रचंड व्हायरल होत आहे. या व्हायरल व्हिडिओमध्ये एक चिमुकली पायऱ्यांच्या रेलिंगवर खेळत असताना अचानक तिचा तोल जातो आणि ती खाली पडताना दिसत आहे. ही संपूर्ण घटना पाहणाऱ्याचे काळजाचं ठोका चुकला असून, त्या चिमुकलीचा जीव अक्षरशः थोडक्यात वाचला आहे.

व्हिडिओ पाहून उडेल थरकाप

ही दुर्घटना बिहारमधील असल्याचे सांगितले जात आहे. व्हायरल (Viral) होत असलेल्या व्हिडिओमध्ये तुम्हाला दिसेल की,'' चिमुकली घरातून खेळता खेळता बाहेर येते आणि पायऱ्यांच्या रेलिंगवरुन खाली पाहत असते. अचानक ती खाली पाहण्यासाठी जाते आणि तीचा तोल जाऊन ती पायऱ्यांच्या रेलिंगवरुन खाली कोसळते. चिमुकलीचा आवाज ऐकून घरातील आणि अन्य नागरिक तिच्या मदतीसाठी धावताना व्हिडिओत दिसत आहेत.

व्हिडिओ सोशल मीडियावर व्हायरल

बिहारमधील या घटनेचा व्हिडिओ (Video) सध्या सर्व सोशल मीडिया प्लॅटफॉर्मवर व्हायरल होत असून abpnewstv या अकाउंटवर व्हिडिओ अपलोड करण्यात आलेला आहे. व्हिडिओ व्हायरल होताच काही मिनिटांत लाखोंचे व्ह्यूज मिळाले असून प्रत्येकाचा व्हिडिओ पाहून थरकाप उडाला आहे.

सीसीटीव्ही फुटेज पाहिल्यानंतर अनेक लोकांनी सोशल मीडियावर आपल्या भावना व्यक्त केल्या. त्यातील एका यूजरने लिहिले,''आजकाल लहान मुलांवर जास्त लक्ष देण्याची गरज आहे'' तर दुसऱ्या यूजरने कमेंट केली,''देवाच नशिब थोडक्यात बचावली'' तर काहींनी भावूक करणाऱ्या प्रतिक्रिया केलेल्या आहेत.

टीप: हा धक्कादायक व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.