...रेशन कार्ड आता बंद होणार आहे असा दावा करणारा मेसेज व्हायरल केला जातोय...राज्यभरात लाखो लोक रेशनचा लाभ घेतात...त्यामुळे आता एकच खळबळ उडालीय...खरंच रेशनकार्ड बंद होणार आहे का...? रेशन कार्ड बंद झालं तर लाभही मिळणार नाही का...? याबाबत संभ्रम निर्माण झालाय...हा विषय सगळ्यांसाठीच महत्त्वाचा आहे...गावागावात अनेक कुटुंब रेशनचं धान्य घेतात...लाखो गरीबांनाही याचा फायदा होतो...त्यामुळे आम्ही या दाव्याची पडताळणी सुरू केली...त्याआधी मेसेजमध्ये काय दावा केलाय पाहुयात...

रेशन कार्ड आता बंद होणार आहे, लाभापासून अनेकजण वंचित राहणार.

...हा मेसेज व्हायरल होतोय...त्यामुळे अनेकांना याबाबत प्रश्न पडलाय...खरंच आता रेशन कार्ड बंद होणार आहे का...? याची माहिती सरकारकडूनच मिळू शकते...तसेच जिल्हाधिकारीही याबाबत माहिती देऊ शकतात...त्यामुळे आमचे प्रतिनिधी नाशिकच्या जिल्हाधिकारी कार्यालयात पोहोचले...आणि त्यांच्याकडून याबाबत अधिक माहिती मिळवली...

त्यामुळे आमच्या पडताळणीत काय सत्य समोर आलं पाहुयात...

रेशन कार्ड बंद होणार नाही

ज्यांना रेशनचा लाभ मिळतो ते सुरूच राहिल

प्रत्येक कुटुंबाला एक स्मार्ट कार्ड मिळणार

वन नेशन वन रेशन संकल्पना असणार आहे

ठेवायला सोपं असावं म्हणून स्मार्ट कार्ड देणार

अन्न व नागरी पुरवठा विभागाने ही चांगली योजना आणलीय...आत्तापर्यंत रेशन कार्ड कागदावर हस्तलिखित स्वरुपात नागरिकांना मिळायचं...ते कधी कधी ओलं होतं, खराब होतं...त्यामुळे आता स्मार्ट रेशन कार्ड दिलं जाणार आहे...15 ऑगस्टपासून 26 जानेवारी पर्यंत टप्प्याटप्प्याने हे नवीन स्मार्ट कार्ड प्रत्येकाला मिळणार आहे...पहिल्या टप्प्यात नंदुरबार आणि सिंधुदुर्ग जिल्ह्यानंतर नाशिक जिल्हा घेण्यात आलाय...सुधार योजनेअंतर्गत रेशन कार्डचा डेटा अद्यावत करण्याचे काम सुरू आहे...मात्र, रेशन कार्ड बंद होणार असल्याचा दावा आमच्या पडताळणीत असत्य ठरलाय..