Noida Man Give 1 Lakh Rupees For finding His Cat:

अनेकांच्या घरात पाळीव प्राणी असतात. त्यात कुत्रा, मांजर यांचा समावेश असतो. आपल्या कुटुंबातील एक सदस्य म्हणून लोक त्यांचे संगोपन करतात. अनेकदा त्यांच्यासाठी काहीही करण्यास तयार असतात. असाच एक प्रकार नोएडामध्ये घडला आहे. (Latest News)

नोएडामध्ये आपली मांजर शोधून देणाऱ्या व्यक्तीस तब्बल १ लाख रुपयांचा इनाम देण्यात येणार आहे. नोएडातील सेक्टर ६२ मधून १४ दिवसांपूर्वी एक मांजर बेपत्ता जाली होती. आपल्या मांजरीला शोधण्यासाठी मालकाने १ लाख रुपयांचे बक्षीस जाहीर केले आहे. मांजर हरवल्यानंतर मालकाने पोस्टर लावत मांजरीची संपूर्ण माहिती आणि त्याखाली १ लाख रुपयांचा इनाम असे लिहले आहे.

मिळालेल्या माहितीनुसार, अजय कुमार यांची मांजर हरवली आहे. ते नोएडातील सेक्टर ६२ मध्ये हार्मनी अपोर्टमेंटमध्ये राहतात. त्यांची मांजर १४ दिवसांपूर्वी हरवली होती. तिचे नाव चिकू आहे. अजयच्या मित्राने त्याला ही पर्शियन मांजर भेट म्हणून दिली होती.

अजयने आणि त्याच्या कुटुंबियांचा मांजरीवर खूप जीव होता. ती अचानक हरवली. त्यानंतर त्यांनी सोशल मीडियाच्या माध्यमातून फोटो शेअर करत चिकूला शोधण्याचा प्रयत्न केला. त्यानंतर त्यांनी पोलिसांतही तक्रार केली. परंतु काहीही माहिती न मिळाल्याने त्यांनी मांजर शोधून देणाऱ्या व्यक्तीस १ लाख रुपयांचा इनाम जाहीर केला.