मुंबईच्या घाटकोपर एलबीएस रोडवर भीषण अपघात झाला आहे. भरधाव वेगात येणारी कार फुटपाथ ओलांडून दुकानावर आदळली आहे. या अपघातात तीन जण गंभीर जखमी झाले असून यात दोन मुलींचा समावेश आहे. या अपघाताच्या घटनेचा सीसीटीव्ही समोर आला असून फरार झालेल्या कार चालकांचा पोलिसांकडून शोध सुरू आहे.

घाटकोपरच्या एलबीएस रोडवर आज सकाळी अपघात झाला आहे. कारवरील नियंत्रण सुटल्याने हा अपघात झाल्याची माहिती आहे. भरधाव वेगात चालणारी कार बॅरिकेटिंग तोडून फुटपाथ ओलांडून दुकानाच्या कठड्यावर आदळली आहे. यामुळे हा अपघात घडला आहे. या अपघातात कारमधील दोन तरूणी गंभीर जखमी झाले आहेत. जखमींवर जवळच्या राजावाडी रुग्णालयात उपचार सुरू आहेत.

या घटनेचा सीसीटीव्ही समोर आल्यानंतर तुम्ही पाहू शकता, कार ही बॅरिकेटिंग तोडून फुटपाथ ओलांडून दुकानाच्या समोर आदळली आहे. दरम्यान या कारमधील तरूणी बाहेर फेकली गेली आहे. सोशल मीडियावर या घटनेचा संपूर्ण व्हिडीओ समोर आला आहे.

मिळालेल्या माहितीनुसार, या अपघातातील दोन तरूणी आणि एक तरूण नशेत असल्याची माहिती आहे. कारमध्ये दारूची बॉटल आणि ग्लास देखील सापडले आहेत. नशेत असताना भरधाव वेगात कार चालवताना कारवरील नियंत्रण सुटल्याने हा अपघात घडला आहे. या अपघातानंतर कारमधील तरूणाने पळ काढला आहे.या अपघाताची माहिती पोलिसांना दिल्यानंतर तरूणांचा पोलिसांकडून शोध सुरू आहे.