राज्य सरकारने मेगा भरती काढल्याचा दावा करण्यात आलाय... महाराष्ट्र राज्य मार्ग परिवहन महामंडळ अंतर्गत निमशासकीय भरती प्रक्रिया सुरू असल्याची जाहिरात सोशल मीडियावर व्हायरल होतेय. पण, व्हायरल मेसेजमध्ये केलेला दावा खरा आहे का...? खरंच सरकारने एवढी मोठी भरती काढलीय का...? याची आम्ही पडताळणी सुरू केली...त्याआधी मेसेजमध्ये काय दावा केलाय पाहुयात...

एसटी महामंडळात 11,870 चालक, 740 वाहक, 957 लिपिक पदांसह तब्बल 13 हजार 567 पदांसाठी मेगा भरती सुरू आहे.

अमरावती, छत्रपती संभाजीनगर, नागपूर, नाशिक, मुंबई आणि पुणे या विभागातील जिल्ह्यांमध्ये भरती प्रक्रिया राबवली जाणार आहे.

एसटी महामंडळात चालक, वाहक, लिपिक, सफाईगार, यांत्रिकी, हेल्पर या पदांसाठी उमेदवार पाहिजेत.

हा मेसेज व्हायरल होत असल्याने आम्ही याची पडताळणी सुरू केली...कारण, सरकारी नोकरी प्रत्येकाला हवी असते... पण, व्हायरल जाहिरातीमध्ये केलेला दावा खरा आहे का?... खरंच, सरकारनं मेगा भरती काढलीये का?...या सर्व प्रश्नांची उत्तर शोधण्याची आम्ही याबाबत सरकारकडून याची माहिती मिळवली. त्यावेळी काय सत्य समोर आलं पाहूयात...

एसटी महामंडळानं कोणतीही भरती काढली नसल्याचं सरकारचं स्पष्टीकरण

राज्य शासनाच्या DGIPR Fact Check माध्यमातूनही व्हायरल दावा खोटा ठरलाय

जाहिरातीत अधिकृत क्रमांक, अर्जाची अंतिम तारीख आणि अर्जाची लिंक नसल्याचं स्पष्ट

व्हायरल जाहिरातीवर विश्वास न ठेवण्याचं महामंडळाकडून आवाहन

बनावट मेसेज व्हायरल करून दिशाभूल केली जातेय

बेरोजगार तरुणांच्या हतबलतेचा फायदा घेऊन फसवणूक आणि वैयक्तिक माहिती गोळा करण्यासाठी हा बनावट मेसेज व्हायरल करण्यात आलाय...त्यामुळे तुम्ही नोकरीच्या शोधात असाल तर आधी नीट खातरजमा करा...कुणीही शासकीय नोकरीची जाहिरात पाठवली असेल तर लगेच अर्ज भरू नका... तुमची फसवणूक करून तुम्हाला गंडा घालण्याचा हेतू असू शकतो... त्यामुळे आमच्या पडताळणीत एसटी महामंडळात सरकारनं मेगा भरतीची जाहिरात काढल्याचा दावा असत्य ठरलाय...