टाकाऊ पासून टिकाऊ हे तुम्ही ऐकलच असेल. महिला यामध्ये अग्रेसर असतात. अनेक जुगाड महिला या करत असतात. स्वयंपाकघरातील जुगाडाचा विचार केला तर महिला या सर्वांनाच मागे टाकतात. सोशल मीडियावर देखील असे अनेक व्हिडीओ व्हायरल होतात. आता असाच एक व्हिडीओ समोर आला आहे. ज्यामध्ये एका महिलेने खराब कॅसरोल बॉक्सचा वापर पुन्हा केला आहे. जे पाहून तुम्हालाही विश्वास बसणार नाही.

सोशल मीडियावर महिलेचा देसी जुगाड व्हायरल होत आहे. चपाती ठेवण्याचा कॅसरोल बॉक्स खराब झाल्यानंतर या महिलेने तो फेकून देण्याऐवजी अनोख्या पद्धतीनं त्याचा वापर केला आहे. व्हिडीओमध्ये तुम्ही पाहू शकता की, या महिलेने चाकू गरम केला आहे. आता ती या गरम चाकूने कॅसरोल बॉक्स सर्व बाजूंनी कापते आहे. यानंतर ती त्याचे बाहेरचे प्लास्टिकचे आवरण काढून त्यातील स्टीलचा बॉक्स बाहेर काढते. जो स्वयंपाकघरात भाज्या ठेवण्यासाठी वापरण्यात येणार आहे.

सोशल मीडियावर @Siimplymee1234 या इन्स्टाग्राम अकाउंटवरून हा व्हिडीओ शेअर करण्यात आला आहे. जो इंटरनेटवर सध्या तुफान व्हायरल होत आहे. हा व्हिडीओ पाहून नेटकऱ्यांनी हात जोडले आहे. महिलांच्या हातून कधीच काही रिकामे जाणार नाही असं देखील म्हटलं आहे. व्हिडीओवर व्हिडिओवर अनेकांनी मजेदार कमेंट्स केल्या आहेत. एकाने लिहिले, 'भारतीय महिलांसाठी सर्वकाही शक्य आहे.' दुसऱ्याने म्हटले, 'भारतीय महिला प्रत्येक निरुपयोगी गोष्ट उपयुक्त बनवू शकतात.' तिसऱ्याने लिहिले, 'भारताची जुगाडू आई.' कोणीतरी म्हटले, 'काहीही वाया जाऊ नये.'