Gujarat Flood Video: गुजरात राज्यावर पावसाचं संकट कोसळलं असून अनेक जिल्ह्यांमध्ये मुसळधार पावसामुळे मोठ्या प्रमाणात जनजीवन विस्कळीत झालं आहे. ज्यामध्ये सर्वाधिक फटका बसलेला जिल्हा म्हणजे भावनगर. विशेषत म्हणजे महुवा तालुक्यातील तलगाजरडा गावात एक धक्कादायक दृश्य समोर आलं आहे. जिथे शाळेतील लहान मुलं कंबरभर पाण्यात शाळेत अडकलेली दिसून आली आहेत. संपूर्ण गावात पाण्याने हाहाकार माजवला असून अनेक घरं पाण्यात बुडालेली आहेत. या पार्श्वभूमीवर प्रशासनाकडून युद्धपातळीवर बचावकार्य राबवण्यात येत आहे.

गेल्या २४ तासांपासून गुजरातमधील अनेक भागांत मुसळधार पाऊस(Rain) पडत आहे. भावनगर जिल्ह्याच्या विविध भागांमध्ये पावसाने पूरपरिस्थिती निर्माण केली आहे असून महुवा तालुक्यातील तलगाजरडा गावात तर चांगलाच गोंधळ उडालेला आहे. गावातील सर्व रस्ते, शाळा, घरं, दुकाने सगळं काही पाण्याखाली गेलं आहे. धक्कादायक म्हणजे मुलांना शाळेत जाताना कंबरभर पाण्यातून वाट काढावी लागत आहे.

पुराच्या पाण्यात अडकले शाळकरी विद्यार्थी

एका व्हिडिओमध्ये काही लहान मुले शाळेतच पुराच्या पाण्यात अडकलेली आहेत. त्यांच्या चेहऱ्यावर भीती स्पष्ट दिसत आहे. अनेक पालक आणि शिक्षकांनी यावर संताप व्यक्त केला असून प्रशासनाने शाळा तात्काळ बंद करण्याची मागणी केली आहे.

सध्या सर्व प्रकार समाज माध्यमांवर वाऱ्याच्या वेगाने व्हायरल(Viral) झालेला आहे. हा व्हिडिओ राज्यभरात नागरिकांनी पाहिला असून त्यावर विविध प्रतिक्रियाही आलेल्या आहेत. त्यातील एका यूजरने कमेंट केली,''शाळा का सुरु ठेवल्या असतील'' दुसऱ्या यूजरने कमेंट केली,''खरंच या पावसात मुलांची काळजी खुप घेतली पाहिजे'' तर काहींनी शाळे विरोद्धात संतापजनक प्रतिक्रिया दिल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.