छत्रपती संभाजीनगरमध्ये गेल्या काही महिन्यापासून वारंवार बिबट्याचा वावर नागरिकांना पाहायल मिळत होता.मात्र पुन्हा एकदा ७४ जळगाव येथे शेतकऱ्याला सकाळी शेतामध्ये बिबट्या दिसून आलेला आहे.सध्या या घटनेने गावात घबराटीचे वातावरण पसरले असून पोलीस प्रशासनाने नागरिकांना आणि शेतकऱ्यांना सतर्क राहण्याचे आवाहान दिले आहे.

मिळालेल्या माहितीनुसार, छत्रपती संभाजीनगरच्या पैठण तालुक्यातील ७४ जळगाव येथील शेतकऱ्याला सकाळी शेतामध्ये बिबट्या दिसलाय. याआधीही गेल्या दोन आठवड्यांपूर्वी पैठण तालुक्यातील काही गावांमध्ये बिबट्या दिसल्याची चर्चा होत्या. मात्र त्यात आज सकाळी आठ वाजेच्या दरम्यान ७४ जळगाव येथील शेतकरी अरविंद एरंडे यांच्या शेतात बिबट्या )(Leopardदिसल्याचे त्यांनी स्वतः पाहिले असल्याचे सांगत, त्यांनी थेट बिडकीन पोलिस निरीक्षक प्रमोद पाटील,बीट जमादार तांगडे,मेजर सुनील कानडे यांना याची माहिती दिली.

बिबट्या दिसल्याची माहिती मिळाल्यानंतर या परिसरातील शेतवाडी वस्तीवरील शेतकऱ्यांमध्ये घबराटीचे वातावरण निर्माण झाले आहे.पोलिस प्रशासनाने सतर्क राहण्याच्या सूचना नागरिक (citizens)आणि शेतकऱ्यांना दिले. वन विभागाच्या पथकाने ७४ जळगाव परिसरातील शोध मोहीम सुरू केले आहे.

व्हायरल होत असलेला व्हिडिओ तु्म्हाला शेतशिवाराचा संपूर्ण परिसर (premises)दिसून येत आहे.संपूर्ण व्हिडिओ तेथे असलेल्या एका शेतकऱ्याने लपून आपल्या मोबाईलमध्ये कैद केलेला आहे. व्हिडिओ नीट पाहिले तर दिसेल की,एका शेतातील मोकळ्या परिसरातील झाडाच्या मधून एक बिबट्या पुढे जात असताना दिसून येत आहे.सुदैवाची गोष्ट म्हणजे त्यावेळी शेतात जास्त व्यक्ती उपस्थित नव्हते.