पुण्यातील जुन्नरमध्ये बिबट्याने दहशत माजवलीये...त्यातच आता पट्टेरी वाघही फिरत असल्याचा दावा करण्यात आलाय...पट्टेरी वाघाचे फोटोही व्हायरल होतायत...एका शेतात हा वाघ उभा असतानाचा फोटो काढण्यात आलाय...यामुळे नागरिकांमध्ये दहशतीचं वातावरण पसरलंय...पण, खरंच जुन्नरमध्ये वाघ फिरतोय का...? हा फोटो नक्की कुणी काढलाय...? असे प्रश्न उपस्थित होत असून, याची सत्यता जाणून घेणं गरजेचं आहे...कारण, सध्या बिबट्या वस्तीत शिरून हल्ले करतायत...त्यातच आता वाघ दिसल्याने हा फोटो कुठला आहे...? याची सत्यता जाणून घेण्यासाठी आम्ही पडताळणी सुरू केली..

जुन्नरमध्ये पट्टेरी वाघ दिसला.शेतात फिरत असताना वाघाचा फोटो काढण्यात आलाय. हा फोटो आणि मेसेज व्हायरल होत असल्याने आम्ही याची पडताळणी केली...हा फोटो खरा आहे का...? हे आम्ही AIच्या माध्यमातून शोधलं...

व्हायरल होत असलेला वाघाचा फोटो AI निर्मित

जुन्नरमध्ये पट्टेरी वाघ आढळलेला नाही

वाघाचा फोटो बनवणाऱ्याला वनविभागाची नोटीस

नोटीस पाठवल्यानंतर फोटो बनवणाऱ्याची माफी

अफवा पसरवणे, भीती निर्माण करणे यामुळे कडक कारवाई होऊ शकते...तीन वर्षापर्यंतच्या कारावासाची तसेच 1 लाख रुपयापर्यंतच्या दंडाच्या शिक्षेची तरतूद असल्याचं वनविभागानं म्हटलंय...

सध्या जुन्नरमध्ये बिबट्याची दहशत आहे...अनेक ठिकाणी बिबट्याने हल्लाही केलाय...त्यामुळे आता वाघाचा फोटो व्हायरल करण्यात आलाय...मात्र, हा फोटो एआय निर्मित असून घाबरून जाऊ नका असं आवाहन करण्यात आलंय...त्यामुळे आमच्या पडताळणीत जुन्नरमध्ये पट्टेरी वाघ आढळल्याचा दावा असत्य ठरलाय...