Shreya Maskar
कोजागिरी पौर्णिमेला मसाला दूध तर आवर्जून बनवले जाते. पण तुम्हाला काही तरी वेगळा दुधाची रेसिपी ट्राय करायची असेल तर रबडी नक्की ट्राय करा
रबडी बनवण्यासाठी दूध, साखर, वेलची, बदाम, पिस्ता, केशर, गुलाबपाणी इत्यादी साहित्य लागते. याचे प्रमाण योग्य असावे.
रबडी बनवण्यासाठी सर्वप्रथम जाड बुडाच्या कढईत दूध घालून मध्यम आचेवर उकळवा. दूध उकळल्यानंतर गॅस मंद करा.
दूध मंद आचेवर शिजू द्या. दुधावर साय जमा झाल्यावर ती कढईच्या कडेने अलगद सरकवून ठेवा. अधूनमधून दूध ढवळत राहा, जेणेकरून ते कढईच्या तळाला लागणार नाही.
दूध साधारण निम्मे होईपर्यंत आटवून घ्या. यामुळे दुधाला घट्टपणा येईल आणि रबडीची चव अधिक छान होईल. ही प्रक्रिया साधारण ३० ते ४५ मिनिटे किंवा त्याहून अधिक वेळ घेऊ शकते.
आटलेल्या दुधात साखर आणि वेलची पूड घाला. केशर वापरणार असल्यास ते थोड्या कोमट दुधात भिजवून मिश्रणात मिसळा. कढईच्या कडेला जमा झालेली साय अलगद खरवडून दुधात मिसळा. त्यामुळे रबडीला दाणेदार आणि मलाईदार पोत मिळतो.
शेवटी गॅस बंद करा. वरून बदाम-पिस्त्याचे काप घाला. रबडी थोडी थंड झाल्यावर फ्रिजमध्ये ठेवा आणि थंडगार सर्व्ह करा.
रबडी बनवण्यासाठी पूर्ण फॅट असलेले दूध वापरा. रबडी थंड झाल्यावर आणखी घट्ट होते, त्यामुळे ती गॅसवर असताना अतिशय घट्ट करू नका.