भारतात पेट्रोलमधील इथेनॉलचे प्रमाण आता वाढतंय...त्यातच आता मोठा दावा करण्यात आलाय...E20 इंधन वापरलं तर विमा कंपन्यांकडून नुकसान भरपाई मिळणार नसल्याचा दावा केलाय...E20 म्हणजे 80 टक्के पेट्रोल आणि 20 टक्के इथेनॉल...सरकार हे मिश्रण आणखी वाढवण्यासाठी प्रयत्न करतंय...आता E20 इंधनामुळे विम्याचा दावा नाकारला जातो...पण, या दाव्यात तथ्य आहे का...? याची आम्ही पडताळणी सुरू केली...त्याआधी मेसेजमध्ये काय दावा केलाय पाहुयात...

हा मेसेज व्हायरल होतोय...त्यामुळे अनेकांमध्ये संभ्रम आहे...आता गाड्यांमध्ये E20 इंधन वापरलं जातंय...त्यामुळे खरंच या मेसेजमधील दाव्यात तथ्य आहे का...? गाडीचं नुकसान झाल्यास इन्सुरन्स कंपनीकडून नुकसान भरपाई मिळत नाही का...? असे अनेक प्रश्न उपस्थित होतायत...अनेकांकडे गाड्या आहेत...त्यामुळे याची सत्यता जाणून घेण्यासाठी आमच्या व्हायरल सत्य टीमने पडताळणी सुरू केली...याबाबत अधिक माहिती ही इन्सुरन्स कंपनी आणि सरकारकडून मिळू शकते...त्यामुळे आमच्या व्हायरल सत्य टीमने याबाबत माहिती मिळवली असता...सरकारकडून याबाबत अधिकृत माहिती मिळाली...

E-20 इंधनाचा वापर केल्यास वाहन विमा पॉलिसी पूर्णपणे वैध

E-20 इंधन वापरल्यामुळे भरपाई मिळणार नाही हा दावा खोटा

वाहनांसाठी आधी जो नियम होता तोच लागू राहिल

E-20 इंधनामुळे विम्यामध्ये कोणतेही बदल केलेले नाहीत

सध्या E20 इंधनामुळे गाड्या खराब होतात अशी चर्चा आहे...त्यामुळे अनेकांमध्ये संभ्रम आहे...आता हा मेसेज व्हायरल झाल्याने गाड्यांचं झालेलं नुकसान विमा कंपन्या देणार का...? याबाबत शंका असल्याने आम्ही याची पडताळणी केली...त्यामुळे आमच्या पडताळणीत E20 इंधन वापरल्यास विम्याचा लाभ मिळणार नसल्याचा दावा असत्य ठरलाय...त्यामुळे अशा कोणत्याही मेसेजवर विश्वास ठेवू नका...