दिल्ली मेट्रोतील व्हिडीओ कायमच चर्चेत असतात. काही व्हिडीओ मजेशीर असतात तर काही धक्कादायक असतात. मेट्रोमध्ये कधी कोणी भांडणं करतात तर काही कपलचे रोमॅन्टिक सीन्स समोर येतात. सध्याच महिलांच्या हाणामारीचा दिल्ली मेट्रोमधील व्हिडीओ सोशल मीडियावर लक्ष वेधून घेत आहे.

शनिवारी सोशल मीडियावर दिल्ली मेट्रोतील महिलांच्या दंगलीचा व्हिडीओ व्हायरल झाला आहे. या व्हायरल व्हिडीओमध्ये दोन महिला एकमेकांशी भांडताना दिसतायेत. दरम्यान एका प्रवाशाने हा व्हिडीओ रेकॉर्ड करत सोशल मीडियावर शेअर केला आहे.

व्हिडीओमध्ये तुम्ही पाहू शकता, या दोन्ही महिला प्रवासी एकमेकांचे केस ओढत मारामारी करत आहे. एक महिला सीटवर पडलेली दिसत आहे तर दुसरी महिला तिला मारताना दिसत आहे. मेट्रोमध्ये जास्त प्रवासी नसल्याचे दिसत आहे. तर इतर प्रवांशानी या दोघींना थांबवण्याचा देखील प्रयत्न केला आहे.

सोशल मीडियावर या व्हिडीओवर नेटकऱ्यांनी संतप्त प्रतिक्रिया दिल्या आहेत. मेट्रोमधील महिलांची भांडणे दिवसेंदिवस वाढतच आहेत. यापूर्वी देखील दिल्ली मेट्रोतील भांडणांचे अनेक व्हिडीओ व्हायरल झाले होते.