Delhi Metro Train Viral Video: दिल्ली मेट्रो आता पुन्हा एकदा चर्चेत आली आहे. मेट्रो ट्रेनमध्ये तरुण तरुणी त्यांना हवं तसं नाचतात आणि विविध कारनामे करतात. त्यामुळे दिल्ली मेट्रोमधील आतापर्यंत अनेक व्हिडीओ समोर आले आहेत. सध्या व्हायरल होत असलेल्या व्हिडीओत तरुणानाने डोक्यावर ओढणी घेत डान्स केलाय. (Latest Marathi News)

व्हायरल व्हिडीओमध्ये तुम्हीही पाहू शकता की, तरुण बॉलिवूडच्या चोली के पिछे क्या है या गाण्यावर नाचत आहे. गाण्यावर तरुणाने चांगलाच ताल धरलाय. नाचताना त्याने डोक्यावर ओढणी घेतलीये. यावेळी ट्रेनमध्ये त्याचे काही मित्र देखील उपस्थित आहेत. ते सर्व मिळून त्याला डान्स करण्यासाठी आणखीन स्टेप्सच्या टीप्स सांगत आहेत.

या तरुणाने देखील भन्नाट स्टेप्स केल्यात. मध्येच तो पोलडान्स देखील करताना दिसतोय. तरुणाचा मित्र त्याला असे विविध डान्स करण्यास सांगत आहेत. एक मित्र मागून ओरडतोय की, भावा बेली डान्स कर तर आणखीन एक मित्र त्याला दुसऱ्या गाण्यावर डान्स कर असं म्हणत आहे.

@DUUpdates या इंस्टाग्राम अकाउंटवर हा व्हिडीओ पोस्ट करण्यात आला आहे. नेटकऱ्यांनी यावर विविध कमेंट केल्यात. या आधी दिल्ली मेट्रोत एका तरुणीने स्टंटबाजी केली होती. प्रवाशांनी भरलेल्या ट्रेनमध्ये ही तरुणी थेट कोलांट्या उड्या मारु लागते. तिला पाहून ट्रेनमधील इतर प्रवाशी देखील चक्रावतात.