Bihar Viral Video: सोशल मीडियावर आपल्याला अनेक व्हिडिओ पाहायला मिळतात. जे पाहून अनेकदा अंगावर काटा उभा राहतो. सध्या बिहारमधील एका घटनेचा असाच एक भयंकर व्हिडिओ सोशल मीडियावर व्हायरल होत आहे. जो पाहून तुम्हीही थक्क व्हाल...

या व्हिडिओमध्ये एका तरुणीला गाडीवर बसवून भर दिवसा पळवून नेल्याचे दिसत आहे. भरदिवसा रंगलेल्या या फिल्मी स्टाईल थराराने सर्वत्र खळबळ उडाली आहे. काय आहे या व्हायरल व्हिडिओमागील सत्य, चला जाणून घेवू....

बिहारमधील अररिया (Bihar Arriya) गावात एक धक्कादायक घटना घडली आहे. लग्नाच्या दुसऱ्याच दिवशी नव्या नवरीला पळवून नेल्याचा प्रकार समोर आला आहे. आंतरजातीय विवाह केल्याच्या रागातून मुलीच्या भावांनीच हे कृत्य केले असून या घटनेचा व्हिडिओ (Viral Video) आता समोर आला आहे. ज्यावर नेटकरीही चकित झाले आहेत.

नवरी मुलगी ओरडत होती, किंचाळत होती तरीही त्या तरुणांनी तिला तिच्या सासरच्या घरातून पळवून नेले. हा सगळा प्रकार गावातील अनेकजण पाहत होते. मात्र त्या तरुणांना आडवण्याची हिंमत झाली नाही. आता तक्रार दाखल झाल्यानंतर पोलिस याबाबत अधिक तपास करत आहेत.

पीडित मुलीच्या सासरच्या लोकांनी ऑनर किलिंग अंतर्गत मुलासह सूनेची हत्या करण्याची भीती व्यक्त करत गुन्हा दाखल केला आहे. तर दुसरीकडे, फारबिसगंज एसडीपीओ खुशरू सिराज आणि पोलीस कर्मचारी नंदकिशोर नंदन यांनी तातडीने कारवाई करत मुलीला ताब्यात घेतले आहे.

या व्हायरल व्हिडिओवर नेटकऱ्यांनीही जोरदार प्रतिक्रिया दिल्या आहेत. बिहारमध्ये काहीही होवू शकते असे म्हणत काही जणांनी संताप व्यक्त केला आहे तर काही जणांनी तरुणांवर कडक कारवाई करण्याचीही मागणी केली आहे. (Latest Marathi News)