Viral Video News:

सध्या तरुणाईला रिल्स काढण्याचे, व्हिडिओ बनवण्याचे प्रचंड वेड लागलयं. सोशल मीडियावर चर्चेत येण्यासाठी, फेमस होण्यासाठी तरुण- तरुणी अनेक स्टंट करत असतात. बऱ्याचदा असे स्टंट जीवावरही बेतू शकतात. त्यामुळेच पोलिसांकडून नेहमी काळजी घेण्याचे आवाहन केले जाते. मात्र तरीही काही हौशी मंडळी अतिउत्साहात नको तेच करतात. सध्या सोशल मिडीयावर असाच एक धक्कादायक व्हिडिओ व्हायरल होत आहे.

सोशल मीडियावर (Social Media) तरुणांच्या बाईक स्टंटचे (Bike Stunt Viral Video) अनेक व्हायरल व्हिडिओ पाहायला मिळतात. कधी भरधाव गाडीवर विचित्र कृती करताना तर कधी चक्क तरुणीसोबत गाडीवर रोमान्स करण्याचा प्रतापही हे बाईकस्वार करतात. सोशल मीडियावरील व्हिडिओ नेटकऱ्यांचे लक्ष वेधत असतात.

सध्या असाच एक धक्कादायक व्हिडिओ सोशल मीडियावर व्हायरल होत आहे. ज्यामध्ये एक तरुण हात सोडून आपली बुलेट पळवताना दिसत आहे. इतकेच नव्हेतर तो चालू गाडीवर बंदूक चालवत थरारक स्टंट करताना ही दिसत आहे. सोशल मीडियावर व्हिडिओ समोर आल्यानंतर नेटकऱ्यांनी संताप व्यक्त केला आहे.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

व्हायरल व्हिडीओ हा सुशांत गोल्फ सिटी पोलीस ठाण्याच्या हद्दीतील शहीद पथ येथील असल्याचे सांगण्यात येत आहे. या व्हिडिओत संबंधित तरुण हेल्मेटशिवाय बुलेट चालवत असून सोडून आणि एका हातात बंदूक धरुन धोकादायक स्टंट करत आहे. हा व्हिडिओ समोर आल्यानंतर पोलिसांनीही या तरुणाचा शोध घेत त्याला ताब्यात घेतले आहे.

दरम्यान, या व्हायरल व्हिडिओवर नेटकऱ्यांनीही संतप्त प्रतिक्रिया दिल्या आहेत. काही जणांनी अशा स्टंटमुळेच अपघात होत असल्याचे म्हणले आहे. तर काही जणांनी या तरुणाला कडक कारवाई करण्याचीही मागणी केली आहे. (Latest Marathi News)