गाझियाबादमधील अहिंसाखंडमध्ये घडललेल्या एका घटनेचा व्हिडीओ सोशल मीडियावर व्हायरल होतोय. याठिकाणी असलेल्या एका इमारतीत सहाव्या मजल्यावरील बाल्कनीत बसलेल्या एका मुलाचा व्हिडिओ गुरुवारी व्हायरल झाला. हा मुलगा बाल्कनीच्या ग्रिलवर बसलेला दिसतोय. सुदैवाने, कबुतरांपासून संरक्षणासाठी बाल्कनीत जाळी बसवण्यात आली होती, ज्यामुळे तो खाली पडला नाही.

बाजूच्या बिल्डींगमधील रहिवाशांनी तसंच व्हिडिओ काढणाऱ्या लोकांनी त्याच्या कुटुंबाला सतर्क केलं. यावेळी या लहान मुलाला ग्रिलमधून सुरक्षितपणं वाचवण्यात आलं.

गुरुवारी बाल्कनीच्या ग्रिलवर बसलेल्या एका मुलाचा व्हिडिओ व्हायरल झाला. हा व्हिडिओ अहिंसाखंडमधील एंजल ज्युपिटर सोसायटीमधील आहे. १७ सेकंदांच्या या व्हिडिओमध्ये मुलाला बाल्कनीच्या ग्रिलवरच्या एकदम टोकावर बसलेला दिसतोय.

इंदिरापुरममधील रहिवाशांच्या म्हणण्यानुसार, हा व्हिडिओ सुमारे एक आठवडा जुना आहे. सोसायटीमधील एका टॉवरच्या सहाव्या मजल्यावर राहणाऱ्या कुटुंबातील हा मुलगा बाल्कनीच्या ग्रिलवर बसला होता. काही वेळाने कुटुंबातील व्यक्तींनी येऊन त्याला वाचवलं.

जाळीमुळे वाटला लहान मुलगा

सुदैवाने बाल्कनीमध्ये कबुतरांपासून संरक्षण होण्यासाठी जाळी लावण्यात आली होती. ज्यामुळे मुलगा खाली पडला नाही. या व्हायरल झालेल्या व्हिडीओमध्ये खाली असलेले लोकं मुलाला सावध करण्यासाठी ओरडताना दिसतायत. मुलाच्या कुटुंबाला तात्काळ माहिती देण्यात आली आणि त्यांनी बाल्कनीच्या ग्रिलमधून मुलाला वाचवल्याची माहिती आहे.