डॉ. माधव सावरगावे, छत्रपती संभाजीनगर, साम टीव्ही

जिल्हा परिषद आणि पंचायत समिती निवडणुका जाहीर झाल्या आहेत. ७ फेब्रुवारीला मतदान होणार आहे. त्याआधीच तिकीट वाटपावरून काँग्रेस कार्यकर्त्यांमध्ये असंतोष उफाळून आला आहे. छत्रपती संभाजीनगरमध्ये काँग्रेसमध्ये उमेदवारी देताना पैसे घेतल्याचा गंभीर आरोप करून कार्यकर्त्यांनी खळबळ उडवून दिली आहे.

खासदार कल्याण काळे यांच्या कार्यालयात संतप्त कार्यकर्त्यांनी राडा केला. पैसे घेऊन तिकीट विकल्याचा गंभीर आरोप त्यांनी केला आहे. जिल्हा परिषद आणि पंचायत समिती निवडणुकांसाठी काँग्रेसकडून जाहीर करण्यात आलेल्या उमेदवारी यादीवरून फुलंब्रीत कार्यकर्त्यांमध्ये अंसतोष उफाळून आलेला दिसला. तिकीट वाटप करताना डावलल्यानं नाराज झालेल्या काँग्रेस समर्थकांनी जोरदार गोंधळ घातला.