जालना जिल्ह्याला पुढील तीन दिवस पावसाचा येलो अलर्ट जारी करण्यात आला आहे. कुलाबा प्रादेशिक हवामानशास्त्र केंद्राने दिलेल्या अंदाजानुसार, जिल्ह्यात तुरळक ठिकाणी विजेच्या कडकडासह हलका ते मध्यम स्वरूपाचा पाऊस पडण्याची शक्यता देण्यात आली आहे.काही ठिकाणी मुसळधार पाऊस पडण्याची शक्यता वर्तवण्यात आली आहे. तसेच सतत पडणाऱ्या मुसळधार पावसामुळे शेतीचे प्रचंड मोठ्या प्रमाणात नुकसान झालेले आहे. सततच्या हवामान बदलामुळे शेतकऱ्यांमध्ये चिंता वाढली आहे. या पार्श्वभूमीवर जिल्हा प्रशासन सतर्क झाले असून नागरिकांना सुरक्षित राहण्याचे आणि खबरदारी घेण्याचे आवाहन प्रशासना कडून करण्यात आले आहे .