यवतमाळच्या दारव्हा तालुक्यातील बोथ येथे बेपत्ता झालेल्या सात वर्षीय शिवानी पंकज जाधव हिचा संशयास्पद पोत्यात मृतदेह आढळून आला आहे. शुक्रवारपासून बेपत्ता असलेल्या चिमुरडीचा मृतदेह शेजाऱ्याच्या घरात पोत्यात बांधलेल्या अवस्थेत आढळून आला. या प्रकरणी दोघांना पोलिसांनी ताब्यात घेतले असून आणखी दोन महिलांवर संशय व्यक्त केला जात आहे. श्वान पथक व फॉरेन्सिक टीमच्या मदतीने शोधमोहीम राबवून हा प्रकार उघड झाला. घटनेमुळे परिसरात भीतीचे वातावरण निर्माण झाले असून पुढील तपास पोलीस करत आहेत.