अमरावती : बळवंत वानखडे हे लोकसभा निवडणुकीत विजयी झाल्यानंतर त्यांच्या विजयी रॅलीत अमरावतीच्या राजकमल चौकात काही युवकांनी नवनीत राणा विरोधात अश्लील हातवारे व असभ्यतेचे वर्तन केले. या लाजिरवाण्या कृत्याचा व्हिडिओ सोशल मीडियावर व्हायरल झाला त्यामुळे या प्रकरणी संतापाची लाट उसळली होती., या प्रकरणी पोलिसांनी 20 ते 25 जणांविरुद्ध गुन्हे दाखल करत सात जणांना अटक केली. दरम्यान या संपूर्ण प्रकरणाचा काँग्रेस नेत्या यशोमती ठाकूर यांनी निषेध केला आहे. तसेच याविरोधात कडक कारवाई करावी अशी मागणीही केली आहे. अमरावतीची शांतता भंग होत असेल तर दोषींवर कारवाई करा व अमरावतीत शांतता राखून ठेवा असे आवाहन यशोमती ठाकूर यांनी केले आहे. तसेच यादरम्यान त्यांनी भाजपवर अप्रत्यक्ष टीकाही केली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.