जग अजूनही COVID-19 च्या परिणामातून पूर्णपणे सावरलेले नसताना आता जगावर पुन्हा एकदा नव्या महामारीचं संकट घोघावत आहे. अमेरिकत सध्या कोरोनाचा एक नवीन विषाणू वेगाने पसरत असून, शेकडो रुग्ण आढळून आलेय. BA.3.2 असं ह्या नव्या व्हेरिएंटच नाव असून, अमेरिकेतील निम्म्या राज्यांसह, इतर २२ देशांमध्ये या विषाणूनं धूमाकूळ घालायला सुरूवात केलीये. संशोधकांनी या व्हेरियंटला 'सिकाडा' असे नाव दिले आहे. कोरोनाच्या या नव्या व्हेरिएंटमुळे जगावर पुन्हा एकदा नव्या महामारीचे संकट गडद झाले आहे. कोरोनाच्या रुग्णांवर सध्या उपचार सुरू आहेत. यामुळे अद्याप बिकट परिस्थिती निर्माण झाली नसली तरी देखील कोरोना वेगाने पसरत आहे त्यामुळे नागरिकांमध्ये भीती निर्माण झाली आहे. त्या त्या देशातील सरकारकडून युद्धपातळीवर उपाययोजना केल्या जात आहेत.