लातूर : लातूरमध्ये मोठ्या प्रमाणात पाणीटंचाई सुरू आहे. जिल्ह्यातल्या ग्रामीण भागात १५ दिवसांतून एकदाच पाणी येतं. जिल्ह्यातल्या २५ गावांना टँकरने पुरवठा सुरू आहे. लातूर जिल्ह्यात पाण्याचे आठ मध्यम प्रकल्प आहेत. या आठ प्रकल्पांपैकी चार प्रकल्प कोरडेठाक झाले आहेत. ऐन उन्हाळ्यात ग्रामस्थांची पाण्यासाठी वणवण होत आहे. पाणी प्रश्नाने ग्रामस्थांची झोप उडाली आहे. टँकर जेव्हा वाड्या आणि वस्त्यांमध्ये येतो तेव्हा लोक हंडा घेऊन टँकरकडे पळत जातात. पाणी प्रश्नामुळे गावकऱ्यांचे जीवन हालाखीचे झाले आहे.