विधानसभा निवडणुकांचे रण आतापासूनच तापू लागलंय. भाजप, शिवसेना, राष्ट्रवादी काँग्रेससह विरोधी पक्ष काँग्रेस, शरद पवार गट आणि उद्धव ठाकरे गटाकडून मोर्चेबांधणी सुरू आहे. दुसरीकडे उमेदवारी मिळवण्यासाठी विद्यमान आमदारांसह इच्छुकांनी 'फिल्डिंग' लावण्यास सुरुवात केली आहे. त्याचवेळी काँग्रेस पक्षाने रणनीती आखण्यास सुरुवात केली आहे.

राज्यात काँग्रेसने केलेल्या पक्षांतर्गत सर्वेक्षणात जवळपास २१ मतदारसंघांत काँग्रेस आमदारांची कामगिरी खराब असल्याची बाब समोर आली आहे. सूत्रांनी ही माहिती दिली आहे. खराब कामगिरीमुळं त्या २१ आमदारांचं तिकीट कापण्याची शक्यता आहे. विधानसभा मतदारसंघात चांगली कामगिरी करणाऱ्या आमदारालाच काँग्रेस तिकीट देणार असल्याचेही सांगण्यात येत आहे. काँग्रेस हायकमांडनं महाराष्ट्रातील काँग्रेस अध्यक्ष आणि वरिष्ठ नेत्यांना याबाबतचे निर्देश दिल्याचेही सूत्रांकडून सांगण्यात आले.