वाशिम : वाशिम शहराची मुख्य बाजारपेठ असलेल्या पाटणी चौकात आज एक वेगळा प्रकार पाहायला मिळाला. शेतीच्या कर्जाला कंटाळून एका शेतकऱ्याने चक्क आपले अवयव विक्रीला काढले आहेत. गळ्यात अवयव विक्रीचं बॅनर लटकवून आपले अवयव विक्रीसाठी वाशिमच्या मुख्य बाजारपेठेत आपण आलो आहोत, अशी उद्विग्न भावना शेतकऱ्याने व्यक्त केली. एकीकडे शेतमालाला भाव नाही. कवडी मोल दराने आम्ही आमचा शेतमाल विकला असून, आता आमच्याजवळ पीककर्ज भरण्याकरता विकण्यासाठी काहीच नाही. त्यामुळे आज वाशिमच्या पाटणी चौकात आपले अवयव विक्रीसाठी आलो आहे. अशी उद्विग्न भावना शेतकऱ्याने व्यक्त केली.