Lamborghini Mumbai's Bandra-Worli sea link : वांद्रे–वरळी सी लिंकवर धोकादायक वाहन चालवण्याचा थरार समोर आला असून, तब्बल 250 किलोमीटर प्रतितास वेगाने कार चालवल्याप्रकरणी वरळी पोलीस ठाण्यात गुन्हा दाखल करण्यात आला आहे. वरळी पोलीस ठाण्याच्या हद्दीत घडलेल्या या घटनेनंतर पोलिसांनी संबंधित कार ताब्यात घेतली आहे. ताब्यात घेण्यात आलेली मोटार कार क्रमांक HR 70 F 1945 ही सुपर वेल कॉमट्रेड प्रायव्हेट लिमिटेड या कंपनीच्या नावावर नोंदणीकृत असल्याची माहिती आहे.या कारचा मालक नीरव पटेल (रा. अहमदाबाद) असून, कार चालवणारा फैज एडनवाला (वय 36, रा. खार पश्चिम, मुंबई) असल्याचे तपासात उघड झाले आहे.फैज एडनवाला हा कार डीलर असून, कार मालकाने तात्पुरत्या स्वरूपात वाहन त्याच्याकडे दिले होते. या प्रकरणी वरळी पोलीस ठाण्यात गुन्हा नोंदवण्यात आला असून, पुढील तपास सुरू आहे.