विठ्ठलाच्या दारात दर्शन घेण्यासाठी काळाबाजार सुरु असल्याचं उघड झालं आहे. चार हजार रुपये घेऊन विठ्ठलाचे पेड दर्शन देणाऱ्या एका खाजगी एजंट विरोधात पंढरपूर शहर पोलीस ठाण्यात गुन्हा दाखल करण्यात आला आहे. ठाणे जिल्ह्यातील चेतन काबाडे या भाविकाकडून एका खाजगी एजंटने व्हिआयपी दर्शन देण्यासाठी चार हजार रुपये घेतल्याचा प्रकार समोर आला आहे. सुमित शिंदे असं या खाजगी एजंटचं नाव असून याप्रकरणी भाविकाने पोलीस ठाण्यात तक्रार करण्यात आली आहे. भाविकांच्या तक्रारीवरुन संशयित आरोपी सुमित शिंदे याच्या विरोधात फसवणुकीचा गुन्हा दाखल करण्यात आला आहे. सुमीत शिंदे हा शिंदे सेनेचा पंढरपूर शहर पदाधिकारी असल्याचंही समोर आलं आहे.