सरपंच संतोष देशमुख यांच्या हत्याकांडामधील मुख्य आरोपी खंडणीखोर वाल्मीक कराडला बीड कारागृहात बेदम हाणला आहे. बीड कारागृहात संतोष देशमुख यांच्या हत्येतील सर्व आरोपीना ठेवण्यात आले आहे. त्याच जेलमध्ये अक्षय आठवले हा देखील मकोका अंतर्गत आरोपी आहे आणि दुसरा आरोपी परळी येथील महादेव गीते हा देखील त्या जेलमध्ये आहे. या दोघांची वाल्मीक कराड आणि सुदर्शन घुले सोबत बाचाबाची झाली आणि त्यानंतर हाणामारी झाली. यावेळी महादेव गीते आणि अक्षय आठवले कडून वाल्मीक कराड आणि सुदर्शन घुलेला बेदम मारहाण करण्यात आली. नेमकं ही मारहाण का झाली? या दोघांची आधी काही दुश्मनी होती का? दोघेही मकोका अंतर्गत तेथे आरोपी आहे यांचे काही जुने वाद आहे का? असे काही प्रश्न उपस्थित होत असताना याबाबतचा पुढील तपास जेल कारागृह करत आहे.