राष्ट्रवादी काँग्रेसचे आमदार तथा राज्याचे सहकारमंत्री बाबासाहेब पाटील यांनी एका कार्यक्रमात एक मोठ विधान केलं आहे. येत्या काळात मराठवाडा शिक्षक आमदार विक्रम काळे हे मंत्री होणार असल्याचे म्हटले आहे. ते लातूरमध्ये एका कार्यक्रमाप्रसंगी बोलत होते. फक्त त्यांनी कमी बोलावं असा सल्ला देखील यावेळी आ. विक्रम काळे यांना सहकार मंत्र्यांनी दिला आहे. तर माजी मंत्री तथा राष्ट्रवादी काँग्रेसचे आमदार संजय बनसोडे यांना ही,आपल्याच शिफारशींमुळे तिकीट मिळाल्याचा दावा यावेळी भाषणात सांगितला. तर उपमुख्यमंत्री अजित पवार हे मुख्यमंत्री व्हावेत अशी ईच्छाही यावेळी पाटील यांनी व्यक्त केली. अजित पवार हे मुख्यमंत्री झाल्यास देशात क्रमांक एकचे मुख्यमंत्री ठरतील असेही याप्रसंगी सहकारमंत्री पाटील म्हणाले.