नागपूर : एकनाथ खडसे (Eknath Khadse News Today)यांच्या भाजप प्रवेशाच्या चर्चांच्या पार्श्वभूमीवर विरोधी पक्षनेते विजय वडेट्टीवार (Vijay Wadettiwar) यांनी महत्त्वाची प्रतिक्रिया दिली आहे. खडसेंना मानसिक त्रास दिल्यानं त्यांनी भूमिका बदलण्याचा निर्णय घेतलेला असू शकतो, असं वडेट्टीवार यांनी म्हटलंय. ते नागपुरात (Nagpur News Today) पत्रकारांशी बोलत होते. या अधिक त्रास सहन करण्यापेक्षा मानसिक त्रासामुळे खडसेंनी भूमिका बदलण्याचा निर्णय घेतलेला असू शकतो, असं विधान विजय वडेट्टीवार यांनी केलंय. राष्ट्रवादी शरदचंद्र पवार गटातून पुन्हा भाजपमध्ये जाणाऱ्या खडसेंच्या प्रश्नावर बोलताना वडेट्टीवारांनी हे मोठं विधान केलंय. दरम्यान, एकनाथ खडसे यांनी भाजपमध्ये जाण्याचा निर्णय घेतल्यानंतर आता रावेरमधून शरद पवार नेमका कोण उमेदवार देतात, हे पाहणं महत्त्वाचंय.