पुणे दौऱ्यादरम्यान शरद पवार गटाचे नवनिर्वाचीत खासदार निलेश लंके यांनी गुंड गजा मारणे याची भेट घेतली होती.याभेटीमुळे निलेश लंके चांगलेच वादाच्या भोवऱ्यात सापडले आहेत. यावर अजित पवार गटाचे अमोल मिटकरी यांनी जोरदार टीका केली होती आता शरद पवार गटातून विद्या चव्हाण यांनी प्रतिक्रिया व्यक्त केली आहे.कोणत्याही गुंडाकडून सत्कार स्वीकारणे चुकीचे आहे. त्यांच्याकडून हे चुकून झालं आहे की त्यांनी मुद्दाम केलं आहे याचा खुलासा घेण्यासाठी फोन करणार असल्याचं विद्या चव्हाण म्हणाल्या आहेत. याआधी पार्थ पवारांचेही फोटो व्हायरल झाले होते तेव्हा शरद पवार गटाने त्यांच्यावर जोरदार टीका केली होती.