अहिल्यानगर जिल्ह्यातील जामखेड येथील सागर मोहोळकर या पैलवानावर बुधवारी रात्री जामखेड शहरात गोळीबार करण्यात आला. या गोळीबारामध्ये सागर मोहोळकरला चार गोळ्या लागल्या असून त्याच्यावर सध्या पुण्यातील ससून रुग्णालयात उपचार सुरू आहे. चार गोळ्या लागूनही सागर मोहोळकर अद्याप मृत्यूशी झुंज देत आहे. सागर मोहोळकरचा एक जुना व्हिडीओ व्हायरल झाला आहे. या व्हिडीओमध्ये तो तरुणाला मारहाण करताना दिसत आहे. या प्रकरणाचा तपास पोलिस करत आहेत.

पैलवान असलेला सागर मोहोळकर हा कुख्यात गुंड म्हणून जामखेड तालुक्यात त्याची ओळख होती. त्याच्यावर खंडणी, मारहाण करणे, जिवे मारणे, जीव मारण्याचा प्रयत्न करणे अशा अनेक प्रकारचे गंभीर गुन्हे दाखल होते. त्याने धाराशिवमध्ये जत्रेच्या दरम्यान आयोजित करण्यात आलेल्या कुस्तीच्या स्पर्धेत गुंड निलेश गायवळच्या कानशिलात लगावली होती. त्यानंतर तो अनेकांच्या टार्गेटवर होता. त्याच्यावर झालेल्या गोळीबारात मागच्या वादाचे काही धागेदोरे आहेत का? याबाबत पोलिस तपास करत आहेत. एवढेच नव्हे तर दोन दिवसांपूर्वी सागर मोहोळकर यांच्या वडिलांनी सागर त्याच्याविरोधात जामखेड पोलिस स्टेशनमध्ये महाराणीची तक्रारही केली होती.