कांदा निर्यातीचा लोकसभेला जोरदार झटका लागलेला आहे, त्यामुळे कंबर मोडायची वेळ आलेली आहे, चूक झाली माफ करा, असं म्हणत अजित पवारांनी नाशिकमधून शेतकऱ्यांची माफी मागीतली आहे. खुर्च्या टिकवण्यासाठी दिल्लीला जाता मग कांदा उत्पादकांची बाजू मांडायला वेळ मिळाला नाही नाही का, असा टोला जयंत पाटील यांनी लगावला आहे. जो काम करतो तोच चूकतो, जो कामच करत नाही तो कशाला चुकेल, असंही अजित पवार म्हणाले होते. त्यावर जयंत पाटील यांनी उपमुख्यमंत्री आणि दोन उपमुख्यमंत्री असताना दिल्लीच्या विरोधात बोलायच्याऐवजी नाशिकमध्ये जावून माफी मागण्याची वेळ आली. कांदा उत्पादकांची बाजू घेऊन दिल्लीला जाऊन बोला. तुमच्या खुर्च्या टिकवण्यासाठी १० वेळा दिल्लीला प्रवास करता, मात्र कांद्याचा विषय मांडायला तुम्हाला वेळ मिळाला नाही, असा टोला लगावला आहे.