शेकाप सरचिटणीस जयंत पाटील यांचा अलिबाग येथे कार्यकर्ता मेळावा पार पडला. या मेळाव्यात बोलताना विधान परिषदेतील पराभवाचे विस्तृत विश्लेषण त्यांनी केले. यादरम्यान निवडणुकीत मोठ्या प्रमाणावर घोडेबाजार झाला असल्याचं ते म्हणाले. तसेच पराभवाचे खापर त्यांनी उद्धव बाळासाहेब ठाकरे यांच्या शिवसेनेवरती फोडले आहे. महाविकास आघाडीकडून दोनच उमेदवार देण्याचा निर्णय झाला होता मात्र उद्धव ठाकरे यांनी आयत्यावेळेस तिसरा उमेदवार दिला त्यामुळे शरद पवार देखील नाराज होते. जयंत पाटील यांच्या या वक्तव्यामुळे महाविकास आघाडी मध्ये नाराजी असल्याचं समोर आलं आहे.