राज्य सरकारचा महत्वाकांक्षी प्रकल्प समृद्धी महामार्गाच्या कामात कोट्यवधी रुपयांचा घोटाळा झाल्याचा गंभीर आरोप राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी केला. अधिकारी राधेश्याम मोपलवार यांचं नाव घेत पवार यांनी हा आरोप केला.

समृद्धी महामार्गात कोट्यवधींच्या घोटाळ्याचा आरोप रोहित पवार यांनी केला आहे. मोपलवारांकडे ३ हजार कोटींची संपत्ती असून, त्यांच्या नावावरच १५०० कोटी रुपये असल्याचा आरोपही त्यांनी केला आहे. समृद्धी महामार्ग कशा पद्धतीने भ्रष्टाचाराचा राजमार्ग होता आणि कोणी, कशा जमिनी घेतल््या आणि त्या कोणाला विकल्या यात मी पडणार नाही, असं सांगत रोहित पवार यांनी कामाच्या निविदा आणि थेट आकडेवारीच सांगितली.