वसई विरार शहरात कोरोना आजाराचा प्रादुर्भाव वाढत चालला आहे. शहरात आता पर्यंत एकूण ८ नवे रुग्ण आढळून आले आहेत, त्यांच्यावर पालिकेच्या जीवदानी रुग्णालय उपचार सुरु असून या कोरोना रुग्णाच्या संपर्कात आलेल्या व्यक्तींच्या चाचण्या करण्यास पालिकेच्या वैद्यकीय विभागाने सुरुवात केली आहे. यामध्ये एकूण 9 हजाराहून अधिक चाचण्या पूर्ण झाल्या आहेत. नागरिकांनी वर्दळीच्या ठिकाणी मास्क घालावा, घरी गेल्यावर हात स्वच्छ पाण्याने धुवावे तसेच पालिकेने दिलेल्या निर्देशांचे पालन करून पालिकेला सहकार्य करावे असे आवाहन पालिकेच्या वैद्यकीय अधिकारी भक्ती चौधरी यांनी केले आहे.