वसईच्या वर्सोवा ब्रिजजवळ मातीचा मलबा खचला. त्यामुळे एकच गोंधळ उडाला होता. सूर्या पाईपलाईनचे खोदकाम सुरु असताना मातीचा मलबा खचला. कंटेनर ऑफिस आणि पोखलेन मलब्याखाली अडकलं होतं. या कंटेनर ऑफिसमध्ये सहा ते सात जण होते. मात्र वेळीच बाहेर निघाल्यानं थोडक्यात जीवितहानी टळली. अन्यथा मोठा अनर्थ घडला असता. पोखलेनचा चालक मलब्याखाली अडकला असल्याची प्राथमिक माहिती समोर आलीय. दरम्यान, घटनास्थळी स्थानिक पोलीस आणि अग्निशमन अधिकारी दाखल झाले असून पोखलेन चालकाचा शोध सुरु आहे. गुरुवारी सकाळी ९.३० च्या सुमारासची ही घटना घडल्याचं सांगितलं जातंय.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.