विधानसभा निवडणुकीच्या पार्श्वभूमीवर शिवसेना ठाकरे गटाचे नेते अनिल परब यांनी वरुण सरदेसाई यांच्या उमेदवारीची घोषणा गटप्रमुखांच्या मेळाव्यात यासंदर्भातील घोषणा केली आहे. मी काही दिवसांपूर्वी साहेबांना भेटलो. त्यानंतर आम्ही सगळेच पदाधिकारी त्यांना भेटलो. त्यावेळी उद्धव ठाकरे यांनी वरुण सरदेसाई यांचे नाव निश्चित केले आहे, अशी माहिती अनिल परब यांनी दिली.

आगामी विधानसभा निवडणुकीच्या पार्श्वभूमीवर राजकीय पक्षांमध्ये जागावाटप तसेच उमेदवारांची घोषणा करण्याच्या हालचाली सुरू झाल्या आहेत. महाविकास आघाडीमधील ठाकरे गटाने वांद्रे पूर्व विधानसभा मतदारसंघात वरुण सरदेसाई यांची उमेदवारी जाहीर केली आहे. 2019 च्या विधानसभा निवडणुकीत काँग्रेसकडून झिशान सिद्दिकी वांद्रे पूर्वमधून निवडणून आले असून ते विद्यमान आमदार आहेत. त्यामुळे त्यांच्या विरोधात वरुण सरदेसाई उभं राहणार असल्याचं बोललं जात आहे.