हिरवेगार दाट डोंगर, धुक्याची चादर आणि या निसर्गाच्या कुशीतून वाऱ्याच्या वेगाने वंदे धावणारी वंदे भारत ट्रेन. हे सर्व दृश्य परदेशातील नसून भारतातील सुंदर अशा पश्चिम घाटातील आहे. सोशल मीडियावर या वंदे भारत ट्रेनचा व्हिडीओ व्हायरल होत असून सर्वांची मनं जिंकत आहे. बंगळुरू ते मंगळुरू वंदे भारत एक्सप्रेसचे हे मनमोहक दृश्य सध्या सर्वांचे लक्ष वेधून घेतं आहे. पश्चिम घाटाच्या कुशीतून, निसर्गरम्य सौंदर्याचा वेध घेत धावणाऱ्या या वंदे भारत ट्रेनचा मनमोहक व्हिडिओ सध्या चर्चेचा विषय ठरला आहे. हे अद्भुत दृश्य बंगळूरुतील प्रसिद्ध एफपीव्ही चित्रपट निर्माता आणि डिजिटल क्रिएटर हेमंत कुमार आर यांनी ड्रोन कॅमेऱ्याचा वापर करून टिपले आहे. जगाच्या कानाकोपऱ्यात ड्रोन उडवण्याचे ध्येय असलेल्या हेमंत यांनी काढलेला हा व्हिडीओ खूपच सुंदर आहे.