भारतरत्न डॉ. बाबासाहेब आंबेडकर यांच्याबाबत बेताल वक्तव्य करणाऱ्या देशाचे गृहमंत्री अमित शाह यांच्या विरोधात राज्यात ठिकठिकाणी आंदोलन करण्यात येत आहे. मुंबईत देखील महानगर पालिकेच्या इमारतीसमोर वंचित बहुजन आघाडीच्या कार्यकर्त्यांनी एकत्र येत आंदोलन सुरू केलं आहे. यावेळी कार्यकर्त्यांकडून जोरदार घोषणाबाजी करण्यात येत आहे. याठिकाणी मोठ्या संख्येने आंदोलक गोळा झाले आहेत.

केंद्रीय गृहमंत्री अमित शाह यांनी केलेल्या वक्तव्याचे पडसाद आता ठिकठिकाणी उमटताना दिसत आहेत. डॉ. बाबासाहेब आंबेडकर यांच्याविरोधात अमित शाह यांनी केलेल्या वक्तव्यानंतर आता राज्यात राजकीय गोंधळ निर्माण झाला आहे. विरोधीपक्षांकडून अमित शाह यांच्या राजीनाम्याची मागणी होत असतानाच राज्यातील सर्व आंबेडकरवाडी संघटनांनी एकत्र येत भाजप आणि गृहमंत्री अमित शाह यांच्याविरोधात आंदोलन छेडलं आहे. याच संदर्भात आज दुपारी वंचित बहुजन आघाडीचे कार्यकर्ते आक्रमक झालेले दिसून आले आहेत. मुंबई महानगर पालिकेच्या इमारती बाहेर मोठ्या संख्येने जमा होत वंचितच्या कार्यकर्त्यांनी आंदोलन केलं. यावेळी जोरदार घोषणाबाजी देखील करण्यात आली.