बीडमधील सरपंच संतोष देशमुख यांची अमानुष हत्या झाली आणि संपूर्ण महाराष्ट्र हा सुन्न झाला. ही हत्या खंडणीला विरोध केल्यामुळे झाल्याचे सांगितले जात आहे. तेव्हा पासून एकच नाव सगळीकडे गुंजत आहे ते म्हणजे या हत्येचा मास्टरप्लॅनर वाल्मीक कराड. या खंडणीखोराचा आणखी एक कारनामा समोर आला आहे. वाल्मीक कराड हा फिल्म प्रोड्यूसर होता असा धक्कादायक दावा निलंबित पोलीस अधिकाऱ्याने केला आहे. सरपंच संतोष देशमुख हत्या प्रकरणातील मुख्य आरोपी वाल्मीक कराड हा फिल्म प्रोड्यूसर होता, असा दावा बीडमधील सायबर विभागातील निलंबित पोलीस अधिकारी रणजीत कासले यांनी केला असून या बाबत पोलीस अधिक चौकशी करणार आहे.

याबाबतचे काही फोटोज रणजीत कासले यांनी सोशल मीडियावर वायरल केले आहेत. यात बीकेसी मधील प्रॉडक्शन ऑफिसचे फोटो आणि आयकार्डचा फोटो देखील आहे. तसेच इंडियन मोशन पिक्चर प्रोड्यूसर असोसिएशनचा हत्येकरी वाल्मीक कराड हा आजीवन सदस्य होता. बीआरजे फिल्म प्रोडक्शन ही निर्मिती संस्था असून ही माहिती निलंबित पोलीस अधिकारी रणजीत कासले यांनी ही दिली आहे. यामुळे संपूर्ण महाराष्ट्रात खळबळ उडाली आहे.