वैष्णवी हगवणे आत्महत्येनंतर अनेक दिवसांपासून हगवणे पिता पुत्र हे पोलिसांना गुंगारा देत फिरत होते. मात्र उपमुख्यमंत्री अजित पवार यांनी पोलिसांना निर्देश दिल्यानंतर पोलिसांनी त्यांच्या मुसक्या आवळल्या. यानंतर त्यांना न्यायालयाने 5 दिवसाची पोलीस कोठडी दिली आहे. अशातच आज या प्रकरणात मोठी अपडेट समोर आली आहे.

आज रोजी गुन्हा राजि नंबर 206/ 25 चे तपासात वैष्णवीचे दोन भाऊ विराज व पृथ्वीराज तसेच एक मैत्रीण असे एकूण तीन साक्षीदारांचे जबाब नोंदवण्यात आले . तसेच स्त्रीधन म्हणून वैष्णवी हीच दिलेली चांदीची भांडी (पाच ताटे ,पाच तांबे ,चार वाट्या, एक करंडा, एक अधिक महिन्यात दिलेले चांदीचे ताट ) .जप्त करण्यात आले आहे.

आरोपी सुशील हगवणे व शशांक हागवणे यांच्याकडे परवाना शस्त्र असल्याने ते दोन्ही शस्त्र जप्त करण्यात आले त्यामध्ये एक पिस्तूल व एक वेबले कंपनीचे रिवॉल्वर आहे. तसेच आरोपी राजेंद्र हगवणे यांनी पळून जाण्यासाठी वापरलेले वाहन इंडिवर गाडी ही देखील जप्त करण्यात आलेली आहे.