वैष्णवी हगवणेच्या आत्महत्येनंतर तिच्या 9 महिन्याच्या बाळाची हेळसांड केल्याप्रकरणी गुन्हेगारी पार्श्वभूमी असणारा बंधुकधारी निलेश चव्हाणवर गुन्हा दाखल करण्यात आला आहे. पण तो अजूनही मोकाट असून बावधन पोलीस त्याचा शोध घेत आहे.

सूत्रांनी दिलेल्या माहितीनुसार, निलेश चव्हाण हा पोलिसांना आत्मसमर्पण करणार आहे. वैष्णवी हगवणे मृत्यू प्रकरणात तो सध्या आरोपी आहे. वैष्णवीचे बाळ तीन दिवसांपासून निलेशकडे होते असा आरोप तिच्या आई वडिलांनी केला होता. तसेच हे बाळ मागण्यासाठी वैष्णवीचे आई वडील गेल्यावर त्यांना बंदूक दाखवून या गुंड निलेश चव्हाणने त्यांना धमकावलं होतं असाही आरोप कस्पाटे कुटुंबियाने केला होता. यानंतर पुणे पोलिसांनी त्याचा शोध घ्यायला सुरुवात केली मात्र तो अजूनही फचाड आहे. मिळालेल्या माहितीनुसार निलेश चव्हाणने पोलिसांशी संपर्क साधला आणि तो आता पोलिसांना शरण येणार आहे.